Rais Magufuli awataka wafanyakazi kuwa wavumilivu kuhusu nyongeza ya mishahara

Rais Magufuli amewataka wafanyakazi nchini kuvuta subira na kuahidi kuwa miradi inayoanzishwa itawanufaisha Watanzania wote na kuwasihi kuwa wavumilivu.

Kauli ya Rais Magufuli inakuja mara baada ya hapo awali TUCTA kumuomba kutimiza ahadi yake ya kuwaongeza wafanyakazi mishahara.

"Niwaambie ndugu zangu, Katibu mkuu TUCTA alinikumbusha kuhusu ahadi yangu, ninaikumbuka na ninasema muda wangu bado nipo madarakani, ninachoomba muwe na subira," amesema.

Ameendelea kwa kusema, "Kuna usemi usemao kabla ya kuvuna ni lazima upande, ninaweza kutangaza kuongeza mshahara lakini kesho tu kila kitu kitapanda, mahindi yatapanda, mafuta yatapanda kwa hiyo ni lazima tuweke mazingira mazuri. Ahadi yangu bado ipo na kipindi changu hakijaisha".