Ney wa Mitego afunguka kuachana na Nini

Msanii wa Bongo fleva Nay wa Mitego ameweka wazi kuwa ameachana na aliyekuwa mpenzi wake ambaye pia ni msanii wa Bongofleva Nini.

Nay amesema kuwa kwasasa ametulia na Mwanamke ambaye ni mtulivu na sio mtu wa mitandao wala vyombo vya habari hivyo ametulia na kuacha mambo mengi.

''Mimi na Nini tumeachana, sipo naye tena muda mrefu nina mahusiano yangu mengine na yana utulivu sana, Mimi huwa sijifichi ila kwasasa nimetulia na mwanamke kama wimbo wangu mpya unavyosema Nishaachaga'', amesema Ney.

Nay ameongeza kuwa kwasasa anaangalia zaidi familia yake wakiwemo watoto wake kwani wameshakuwa wakubwa hivyo kuna baadhi ya mambo lazima aachane nayo.